Tækniþjónusta

Markmið námsins er að starfsfólk í tækniþjónustu hafi þá hæfni sem þarf til að sinna störfum sínum.

Námið er ætlað þeim sem sinna eða hafa hug á að sinna starfi við tækniþjónustu. Námið er sniðið að þeim sem hafa stutta formlega skólagöngu að baki.

Námið byggir á hagnýtum viðfangsefnum tengdum tækniþjónustu við viðskiptavini og samstarfsfólk. Í náminu er áhersla lögð á að byggja upp grunnþekkingu á vélbúnaði, stýrikerfum, hugbúnaði og netkerfum og þjálfa námsmenn í að veita almenna þjónustu við uppsetningu og tengingar, greina einfaldar bilanir og bregðast við þeim.

Námið er 140 klukkustundir og mögulegt að meta það til 7 eininga á framhaldsskólastigi.

Hæfniviðmið náms:

Námsmaður skal hafa öðlast:

• þekkingu og skilning á vinnubrögðum, verkferlum og reglum sem tilheyra starfi starfsmanns við tækniþjónustu,
• þekkingu og skilning á algengum tæknibúnaði og virkni hans,
• leikni í að fylgja fyrirfram ákvörðuðum verkferlum og reglum á vinnustaðnum/í starfgreininni,
• leikni í að aðstoða viðskiptavini við að leysa úr einföldum tæknilegum vandamálum,
• leikni í að vinna með öðrum við lausn tæknilegra vandamála.
• Þekkingu og leikni til að greina og leysa úr algengum tæknivandamálum viðskiptavina,
• Þekkingu og leikni til að veita viðskiptavinum viðeigandi ráðgjöf og leiðsögn,
• Þekkingu og leikni til að fylgja málum eftir til enda þannig að viðskiptavinir fái úrlausn vandans,
• Þekkingu og leikni til að tryggja að meðferð persónuupplýsinga og gagna sé í samræmi við reglur fyrirtækisins og gildandi lög.

Námsþættir:

• Verkferlar í tækniþjónustu
• Samskipti við viðskiptavini
• Tæknibúnaður
• Netkerfi
• Greining tæknilegra vandamála og bilana
• Ráðgjöf og leiðsögn
• Tæknileg aðstoð/ viðgerðir
• Tækniþjónusta – þjálfun á vinnustað eða matsverkefni í námsumhverfi

Námsmat:

Verkefnaskil, 80% mætingarskylda og virk þátttaka.

Kennslufyrirkomulag:

Kennt er tvö síðdegi í viku, þriðjudaga og fimmtudaga kl. 17-20 auk fimm laugardaga kl. 8-16. Þegar kemur að námsmati er lögð áhersla á verkefnavinnu, verklegar æfingar, hópavinnu og umræður í stað hefðbundinna prófa.

Kennt er samkvæmt námskrá viðurkenndri af Fræðslumiðstöð atvinnulífsins.

Styrkir vegna skólagjalda:

Hægt er að sækja um styrki vegna skólagjalda til fræðslusjóða stéttarfélaga.

Nánari upplýsingar: 

Hrannar og Hólmfríður í síma 421-7500 eða á namskeid@mss.is

Tímabil: 

1. febrúar – 14. júní

Páskafrí: 11. – 15. apríl

Verð á námsleiðum er birt með fyrirvara um breytingar