Sölu-, markaðs- og rekstrarnám

Tilgangur námsins er að efla þekkingu og auka hæfni þeirra sem sinna eða hafa hug á að sinna, sölustörfum, markaðsmálum eða að stofna til eigin reksturs. Námið er 440 klukkustundir og mögulegt að meta það til 22 eininga á framhaldsskólastigi.

Markmið að námsmaður:

• Efli sjálfstraust sitt og öryggi til faglegra starfa tengd sölu-, markaðs- og rekstrarmálum
• Öðlist hæfni í gerð áætlana í tengslum við sölu- , markaðs- og rekstrarmál og fylgja þeim eftir
• hafi góða innsýn í rekstur fyrirtækja 
• Þjálfist í að 
  -stýra verkefnum 
  -undirbúa eigin rekstur
  -starfa við sölu- og markaðsmál
  -stofna einkahlutafélag og gera markaðs-, rekstrar- og viðskipatáætlun fyrir félagið
• Öðlist skilning og reynslu á fjölbreyttum verkfærum og verkferlum sem 
  nýtist honum í starfi

Námsgreinar og áherslur:

• Tölvu- og upplýsingatækni (samþætt gegnum námsleiðina)
• Námstækni og námsdagbók
• Markmiðasetning
• Gerð viðskiptaáætlana (Inngangur)
• Frumkvöðlafræði og fyrirtækjasmiðja
• Áætlanagerð í töflureikni
• Framsögn og framkoma
• Samskipti
• Verslunarreikningur
• Lykiltölur og lausafé
• Sölutækni og viðskiptatengsl
• Verkefnastjórnun
• Samningatækni
• Gerð kynningarefnis
• Almenn markaðsfræði
• Markaðsrannsóknir
• Markaðssetning á netinu
• Markaðssetning og samfélagsmiðlar
• Gerð viðskiptaáætlunar – Lokaverkefni

Námsmat:

Verkefnaskil, 80% mætingarskylda og virk þátttaka.

Kennslufyrirkomulag:

Námið er skipulagt sem dreifinám. Kennt er þrjú síðdegi í viku auk verkefna og fyrirlestra á netinu. Þegar kemur að námsmati er lögð áhersla á verkefnavinnu, verklegar æfingar, hópavinnu, umræður og rökræður í stað hefðbundinna prófa. Kennt er samkvæmt námskrá viðurkenndri af Fræðslumiðstöð atvinnulífsins.

Dreifinám er kennt með þeim hætti að hluti náms fer fram í gegnum netið og hluti í skólastofu, þá eru fyrirlestrar, verkefni og efni frá kennurum aðgengilegt á kennslukerfi MSS.

Námsleiðin fer fram kl. 17-20 á kvöldin á þriðjudögum og fimmtudögum. Einnig er þátttakendum boðið upp á stoðtíma í upplýsingatækni á föstudögum þar sem farið verður yfir þema vikunnar. Þar verður einnig farið yfir hvernig fjarnám fer fram.

• Þriðjudagar: staðlotur í húsnæði MSS, Krossmóa 4, Reykjanesbæ
• Fimmtudagar: fjarkennsla með Teams

Allir þátttakendur munu fá MSS netfang og aðgang að Microsoft Office á meðan námið stendur yfir.

Nánari upplýsingar:

Hrannar og Hólmfríður í síma 421-7500 eða á smr@mss.is

Styrkir vegna skólagjalda:

Hægt er að sækja um styrki vegna skólagjalda til fræðslusjóða stéttarfélaga.

Verð á námsleiðum er birt með fyrirvara um breytingar

Tímabil:

1. febrúar – 16. Desember

Páskafrí: 11. – 15. apríl

Sumarfrí: 20. júní – 12. ágúst