Langar þig að vera þinn eiginn sandala smiður? Leður í hágæðaflokki náttúrusútað frá litlum sútunarstöðvum á Ítalíu.
Á þessu námskeiði fær nemandinn ekki aðeins innsýn inn í heim skósmiðsins (sem hér merkir sá sem smíðar skófatnað frá a til ö) heldur mun nemandinn fullgera á sig eitt par af sandölum og læra að gera snið sem hún/hann svo getur tekið með sér heim og gert aftur annað par á sig eða á vin. Þar sem hægt verður að versla Sandala-kit hjá mér sem inniheldur leður og snið.
Hæg hönnun, sjálfbærni og umhverfis væntumþykja. Á námskeiðinu smíðum við handgerða sandala/inniskó skraddara sniðna á okkur sjálf og notum til þess eigin fætur og málband eða pappírsnið. Áhersla er lögð á verkþjálfun en námið fer einnig fram með sýnikennslu. Boðið er upp á fernskonar snið og þrjár gerðir af sóla formi og fjölda af litasamsetningu og leður tegundum. Við lærum að skera í gegnum þykkt sólaefni og stafla upp hæl lag fyrir lag, líma, negla og hamra.
Allt efni er innifalið í námskeiðsverði.
Eftir námskeiðið ganga allir út í nýjum sandölum/inniskóm.