Matreiðslunámskeið

Á matreiðslunámskeiði Fullorðinsfræðslu fatlaðs fólks verður kennt að elda einfalda og bragðgóða rétti sem hitta í mark. Unnið er eftir myndrænum/skrifuðum uppskriftum og munnlegum fyrirmælum eftir þörfum þátttakenda. Kennt verður í kennslueldhúsi Fjölbrautaskóla Suðurnesja á annarri hæð og eru nemendur hvattir til þess að koma með eigin svuntur til að nota á námskeiðinu. 

Kennari: Ragnhildur Helga Guðbrandsdóttir.

Einungis er pláss fyrir þrjá þátttakendur í hvorum hóp til að hægt sé að fylgja sóttvarnarreglum. 

Hópur 1 verður á þriðjudögum kl. 16:00 – 18:00. Hefst 15. febrúar. 

Hópur 2 verður á miðvikudögum kl. 16:00 – 18:00. Hefst 16. febrúar.

Skipti: 4 skipti

Nánari upplýsingar:

Jón Pétursson í síma 848-2436 eða í tölvupósti á netfangið jonkp87@gmail.com

Fullorðinsfræðsla fatlaðra: 

Eitt af markmiðum Miðstöðvar símenntunar á Suðurnesjum er að fullorðinsfræðsla og símenntun sé aðgengileg öllum Suðurnesjamönnum. Fullorðnir fatlaðir höfðu um tíma ekki sama aðgang og aðrir að fullorðinsfræðslu en í samstarfi við Fjölmennt og aðra þá sem koma að þjónustu við fatlaða hefur MSS verið að vinna í því að bæta þar úr með því að bjóða þessum hóp upp á fjölbreytt námskeið m.a. í lífstíl, matreiðslu, tölvu, íþróttum, söng, myndlist og handverki.